好天 9月28日 星期五  

越來越討厭公司嘅阿雞經理,佢真係串爆喎......今日幾經辛苦將份Glass Wall圖完成,由起初第一次submission嘅十幾張圖,一下就爆出三十九張圖,一份真真正正嘅Glass Wall 2nd submission就完成喇,係我少有嘅佳作之一,份圖足足花上一個月有多嘅時間先至完成,今日終於都可以出圖做submission,但係出圖之前一定要先過阿雞經理嘅一關,如果過唔到呢個難關的話,就又要再一次打回頭,最終又再一次令我失敗而回,份圖又比條友大屠殺了......今次仲要係死傷冇數,非常之咁攞命,傾完成個人都冇晒心機啦,仲邊度有心情去改圖呀,之後仲要比多一份tender我畫,臨放假前搞單咁嘅嘢,唔認命都唔得啦~

後記: 即使你是廚師、養魚的人，你在這工作上找到快樂，便會因此喜歡自己，並被別人喜歡。